#ಬಾಲ್ಯವನ್ನು_ಜೀವಂತವಾಗಿರಿಸಿದ_ಆಟಗಾರ

ಆವಾಗ ದೇವರು ಕೂಡ ಕ್ರಿಕೆಟ್ ಆಡ್ತಾ ಇದ್ದ...! ಅವರ  ಕ್ರಿಕೆಟ್ ಆಟ ನೋಡು ನೋಡುತ್ತಲೆ ಬೆಳೆದವರು ನಾವೂ. ಆ ಕ್ರಿಕೆಟ್ರ  ಹೆಸರು ಸಚಿನ್ ರಮೇಶ್ ತೆಂಡುಲ್ಕರ್. ನಮ್ಮಲ್ಲಿನ ಪುಟ್ಟ ಪುಟ್ಟ ರಸ್ತೆಗಳಲ್ಲಿ, ಗದ್ದೆಗಳಲ್ಲಿ, ಮನೆಯ ಬಾಗಿಲ ಪುಟ್ಟ ಅಂಗಣದಲ್ಲಿ ಮರದ ತುಂಡಲ್ಲಿ , ತೆಂಗಿನ ಮರದ ಕೊತ್ತಲಿಗೆಯಲ್ಲಿ ಬ್ಯಾಟ್ ಕೆತ್ತಿ ಕ್ರಿಕೆಟ್‌ ಆಡಲಿಕ್ಕೆ ಹುಚ್ಚು ಹಚ್ಚಿಸಿದ್ದೆ ಆ ಆಟಗಾರ . ಬಹುಪಾಲು ಶಾಲಾ ನೋಟ್ ಬುಕ್ಕಿನ ಪುಟಗಳ ನಡುವೆ ಅಲ್ಲಲ್ಲಿ ನ್ಯೂಸ್ ಪೇಪರ್ ನಲ್ಲಿರುತ್ತಿದ್ದ ಸಚಿನ್ ನ ಚಿತ್ರ ಚಿತ್ತಾರದ ಕಟ್ಟಿಂಗ್ಸ್ ಗಳು. ನಾನು ಹೈಸ್ಕೂಲಿನ ದಿನಗಳಲ್ಲಿ ಶಾಲೆಗೆ ಚಕ್ಕರ್ ಹಾಕಿದ್ದರೆ ಅದಕ್ಕೆ ಬಹುಪಾಲು ಸಚಿನ್ , ಗಂಗೂಲಿ, ದ್ರಾವಿಡ್ರೆ ಕಾರಣ. ಬಹುಶಃ ಅದು 1998ರ ಸಮಯ, ಸಚಿನ್ ಶಾರ್ಜಾದಲ್ಲಿ ಕಾಂಗರೂಗಳ ಬಾರಿಸಿದ ಶತಕಗಳ ಮರೆಯಾಲಾಗದು. ಅಖ್ತರ್, ಅಕ್ರಂ, ಯೂನಸ್ ರಂಥವರ ದಾಳಿಯೆ ದಂಗಾಗುವಂತೆ ವಿಶ್ವಕಪ್ ಪಂದ್ಯದಲ್ಲಿ ಬಾರಿಸಿದ ಆ 98ರನ್ ಗಳು ಎಲ್ಲಾ ಶತಕಗಳಿಗಿಂತಲು ಇಷ್ಟವಾಗಿದ್ದು. ಚೆನೈ ನಲ್ಲಿ ಪಾಕಿಸ್ತಾನ ವಿರುದ್ದ ಟೆಸ್ಟ್‌ ನಲ್ಲಿ ನೋವಿನ ನಡುವೆಯೂ ಸಚಿನ್ ತೋರಿದ ಕೆಚ್ಚದೆಯ ಆಟವನ್ನು ರೇಡಿಯೊ ದ ಕಾಮೆಂಟ್ರಿಯಲ್ಲಿ ಢವಗುಡುವ ಹೃದಯದ ಬಡಿತದೊಂದಿಗೆ ನೋಡಿದ್ದು ಇವತ್ತಿಗು ನೆನಪಿದೆ. 90 ರ ನಂತರದ ಎರಡು ದಶಕಗಳಲ್ಲಿ ನಮ್ಮನ್ನು ಮನರಂಜಿಸಿದ ಕ್ರಿಕೆಟ್ ದಂತಕಥೆ  ಸಚಿನ್ ತೆಂಡುಲ್ಕರ್ ನ ಜನ್ಮ ದಿನ.

#Happy Birthday Sachin Tendulkar😍

#GodOfCricket