#ಪ್ರಕೃತಿ_ಪಾಠ_ಇದುವೇ_ನೋಡ_ಎಂಬ_ಮರ್ಮ_ಸಿಕ್ಕಿತು...!!

          #ಹಕ್ಕಿಯೊಂದು ರೆಕ್ಕೆ ಬಿಚ್ಚಿ ಹಾಡಿ ಹಾಡಿ ಕುಣಿಯುತಿತ್ತು, ಸಾಕು ಸಾಕು ನಿಲ್ಲು ಎನಲು ನನ್ನ ನೋಡಿ ನಕ್ಕಿತು..   ಮರದ ತುಂಬ ಫಲಗಳಿರಲು ಬಗ್ಗಿ ತಾ ನಿಂತಿರಲು ಭಾರವೇ ಫಲಗಳೆನಲು ನನ್ನ ನೋಡಿ ನಕ್ಕಿತು..  ನದಿಯಲೊಂದು ಪುಟ್ಟ ಮೀನು ಪ್ರವಾಹದೆದುರು ಈಜುತಿರಲು ಸಹಕರಿಸಲೇ ನಾನು ಎನಲು ನನ್ನ ನೋಡಿ ನಕ್ಕಿತು..ಮರದ ಬುಡದಿ ಬಳ್ಳಿಯೊಂದು ಮರವನ್ನೇ ಸುತ್ತುತಿರಲು ಸಾಕು ಸುತ್ತಬೇಡ ಎನಲು ನನ್ನ ನೋಡಿ ನಕ್ಕಿತು, ನಿನ್ನ ಕೆಲಸ ಮರೆಯಬೇಡ ಪರರ ಗೊಡವೆ ನಿನಗೆ ಬೇಡ ಪ್ರಕೃತಿ ಪಾಠ ಇದುವೇ ನೋಡ ಎಂಬ ಮರ್ಮ ಸಿಕ್ಕಿತು..ನಾನು ಅಂದು ತಿಳಿದುಕೊಂಡೆ ಹೊಸ ಬದುಕ ಕಂಡುಕೊಂಡೆ ಮೂರ್ಕ ತನವ ತಿದ್ದಿಕೊಂಡೆ ಹೊಸ ದಾರಿ ಸಿಕ್ಕಿತು..!!

#ಇದು ನನ್ನ ಪಯಣವೋ ?

ನನ್ನನ್ನೇ ಹುಡುಕಿ ಈ ದಾರಿ ನನ್ನ ಸೇರಿತೋ ಗೊತ್ತಿಲ್ಲ!ಹೋಗುತ್ತಿರುವುದೋ ಸರಿ ದಾರಿಯೋ ? ಗೊತ್ತಿಲ್ಲಕೆಟ್ಟ ದಾರಿಯ ಅರಿವೂ ನನಗಿಲ್ಲ , ಹಿಡಿದ್ದಿದ್ದರೂ ಇನ್ನು ನನಗೆ ಅರಿವಾಗಿಲ್ಲ ಎಲ್ಲರಿದ್ದೂ ಏಕಾಂಗಿಯಾಗಿದ್ದೇನೆ ಎನ್ನುವ ಸತ್ಯ ಸುಳ್ಳಲ್ಲ..!!

ಹಿಂತಿರುಗಿ ಹೋಗಿಬಿಡಲೇ ಎಂದು ತಿರುಗಿ ನೋಡಿದರೆಹಿಂದೆ ದಾರಿಯೇ ಇಲ್ಲ..!

ನನ್ನ ದಾರಿಯನ್ನು ನಾನೇ ಅಳಿಸಿಬಿಟ್ಟನೇ? ಗೊತ್ತಿಲ್ಲ

ಇದು ನನ್ನ ಪಯಣವೋ? ಮತ್ತೊಬ್ಬರ ಪಯಣಕ್ಕೆ ನಾನಿಲ್ಲಿ ದಾರಿಯೋ ? ಗೊತ್ತಿಲ್ಲ!

ಹೃದಯದ ಪಿಸುಗುಟ್ಟುವಿಕೆ ಕೇಳುವುದೇ ಇಲ್ಲ

#ಹುಣ್ಣಿಮೆಯಲ್ಲಷ್ಟೇ ಮೊರೆಯುವ ಸಾಗರನ ದೈತ್ಯ ಅಲೆಗೆನದಿಯ ಹೃದಯದ ಪಿಸುಗುಟ್ಟುವಿಕೆ ಕೇಳುವುದೇ ಇಲ್ಲ..!!
#ಅದೆಷ್ಟು ನದಿಗಳ ಸಿಹಿನೀರು ಹಿಂಗಿಸಿಕೊಂಡರು
ಸಂಶಯಹೊತ್ತ ಸಾಗರ ಸಿಹಿಯಾಗಲೇ ಇಲ್ಲ ..!!💯

#ದೊಡ್ಡ_ಖುಷಿಗಳ_ಹುಡುಕಾಟದಲ್ಲಿ_ಮರೆತ_ಸಣ್ಣ_ಖುಷಿಗಳು

                          ಅಲ್ಲೆಲ್ಲೋ ತರಗತಿಯ ಹತ್ತಾರು ಮಕ್ಕಳೊಂದಿಗೆ ಒಂದಾಗಿದ್ದ ನಾವು, ನಾನೊಬ್ಬ ಸಾಧಕನಾಗಬೇಕು, ಎಲ್ಲರಿಂದ ಎತ್ತರದಲ್ಲಿ ನಿಲ್ಲಬೇಕು, ಬೆಳೆಯಬೇಕು ಎನ್ನುತ, ದೊಡ್ಡ ಖುಷಿಗಳಲೋಕದ ಹುಡುಕಾಟದ ಹೋರಾಟದಲ್ಲಿ ಬೆಳೀತಾ ಬೆಳೀತಾ ಈ ಸಣ್ಣ ಖುಷಿಗಳ ಮಧ್ಯದಲ್ಲೇ ಇದ್ದರೂ ದೊಡ್ಡದೇನೋ ಒಂದರ ಹುಡುಕಾಟದಲ್ಲಿ ಇದನ್ನೆಲ್ಲ ಅನಂದಿಸುವುದನ್ನು ಮರೆತಿದ್ದೇವೆ. ಬಸ್ಸಲ್ಲಿ, ಪಕ್ಕದಲ್ಲಿ ಮಗುವೊಂದು ನಮ್ಮನ್ನು ನೋಡಿ ನಕ್ಕಾಗ , ಆಟವಾಡಿಸಬೇಕು ಎಂದನಿಸಿದರೂ, ಎಲ್ಲಿ ಬೇರೆಯವರು ತಪ್ಪು ತಿಳಿಯುತ್ತಾರೋ ಎಂದುಕೊಳ್ಳುತ್ತಾ ಆಥವಾ ನಮ್ಮ ಆಫೀಸ್ ಟೆನ್ಶನ್ನಲ್ಲಿ ಅದರತ್ತ ನೋಡದೆ ಆ ಮಗು ಕೊಡುವ ಖುಷಿಯನ್ನು ಕಳಕೊಳ್ಳುತಿದ್ದೇವೆ! ದುಡಿಯೋಣ ಆದರೆ ದಿನದ ನಗು, ಸಂತೋಷವನ್ನು ಮರೆತಲ್ಲ, ಜೀವನವೇ ಆಗಿರುವ ‘ಸಣ್ಣ ಸಣ್ಣ’ ಖುಷಿಗಳನ್ನು ಬಿಟ್ಟಲ್ಲ. ದಿನದಲ್ಲಿ ದುಡಿಯದೆ ಇರುವ ಸಮಯದಲ್ಲಾದರೂ ಮಕ್ಕಳಾಗಿರೊಣ...!!!💯