#ಏಕಾಂತದ ಮಿತ್ರನೊಂದಿಗಿನ ಸಂಭಾಷಣೆ..!

ಹಾರಿ ಹೋಗಿ ಬಿಡಲೇ..???

ನನ್ನಿಂದ ನಾ ಕಳೆದುಹೋಗುವ ಮುನ್ನಾ

ಬಾನು ಸೇರಿ ಬಿಡಲೇ…???

ಗೂಡು ಪಂಜರವಾಗುವ ಮುನ್ನಾ

ಸಂಬಂಧಗಳಿಂದ ನಿರೀಕ್ಷೆ ನನಗೇಕೆ ?

ಬಂಧಗಳ ಬೆಸುಗೆಯ ಹಂಗೇಕೆ ?

ಗರಿಗೆದರ ಹೋದರೆ ಅರಿವಾಗುತ್ತಿದೆ

ಒಂದೊಂದು ಗರಿಗೂ ಒಂದೊಂದು ಸಂಬಂಧ …!!!

ಬಂಧಗಳ ಬಂಧನ ಕಳಚದೆ

ಹಾರುವ ಹಾಗಿಲ್ಲಾ

ಸಂಬಂಧಗಳ ಗರಿ ಕಳಚಿದಂತೆ

ಹಾರುವ ರೆಕ್ಕೆಗಳಿಗೆ ಬಲವಿಲ್ಲಾ

ಉಳಿದು ಬಿಡಲೇ ಹೀಗೆ

ಬಲ್ಲವರಿಗೆ ಪರಿಚಿತನಾಗಿ

ಅರಿತವರಿಗೆ ಚಿರಪರಿತನಾಗಿ

ನನ್ನೊಳಗಿನ ಅಪರಿಚಿತನನ್ನು ಮರೆತು ?

ಬಂಧನಗಳಿಂದಲೇ ಈ ಬಾಳು

ಬಾಳಿನಿಂದಲೇ ಈ ಬಂಧನಾ

ಅನ್ವೇಷಣೆಯ ಪ್ರಯತ್ನವೇ ವ್ಯರ್ಥ

ಬಹುಶಃ ಇದೇ ಜೀವನದ ಸತ್ಯ..!