#ಬಡಪಾಯಿ ಮನರಂಜನೆಗಳು ಬರಿ ಇಂಥವೇ..!

ಹಗಲ್ಹೋತ್ತು ಗಾಢ ನಿದ್ದೆಗಿಳಿದು ಸಂಜೆ ಆರಕ್ಕೆದ್ದು

ಇದು ಮುಂಜಾನೆಯಾ ಮುಸ್ಸಂಜೆಯಾ ಎಂಬ ಗೊಂದಲದಲ್ಲಿ

ಹಾಸಿಗೆಯಲ್ಲೇ ಕೂತು ಬಿಸಿಬಿಸಿ ಚಹಾ ಹೀರಬೇಕು.

•••

ನಸುಕಿನಲ್ಲಿ ಎದ್ದು ಯೂನಿವರ್ಸಿಟಿಯ ಅಷ್ಟೂ

ರಸ್ತೆಗಳ ಮೇಲೆ ಓಡಿ ಸುಸ್ತಾಗಿ ಬೆಳಕ್ಹರಿದ ಮೇಲೆ ರಸ್ತೆ ಬದಿಯ

ಬಂಡಿಯಲ್ಲಿ ಇಡ್ಲಿಗೆ ಚಟ್ನಿ ಜಾಸ್ತಿ ಹಾಕಿಸ್ಕೊಂಡು ತಿನ್ನಬೇಕು.

•••

ಅರ್ಧರಾತ್ರಿಲಿ ಎದ್ದು ಕಾರಲ್ಲಿ ಫುಲ್ ಸೌಂಡ್ ಇಟ್ಕೊಂಡು

ಇಷ್ಟದ ಹಾಡುಗಳನ್ನ ಕೇಳ್ತಾ ಗೊತ್ತಿರದ ದಾರಿಯಲ್ಲಿ

ಸುಮ್ಮನೆ ಹೊರಟುಬಿಡಬೇಕು.

•••

ಹೋಟೆಲ್ ಹತ್ತಿರ ದುಡ್ಡಿಗೆ ಕೈಚಾಚುವ ನತದೃಷ್ಟರಿಗೆ

ಹಣ ನೀಡುವ ಬದಲು ಒಂದು ಪ್ಲೇಟ್ ಪಲಾವ್ ಪಾರ್ಸಲ್

ಕೈಗಿಟ್ಟು ಜೊತೆಗೆ ಒಂದು ಸ್ಮೈಲ್ ಕೊಟ್ಟು ಬರಬೇಕು.

•••

ಅಮ್ಮ ದೇವಸ್ಥಾನಕ್ಕೆ ಹೋಗಿ ಬರೋದ್ರೊಳಗೆ ಮನೆಯ

ಸಿಂಕಲ್ಲಿರೋ ಪಾತ್ರೆಯೆಲ್ಲಾ ತೊಳೆದಿಟ್ಟು ಒಲೆ ಮೇಲೆ ಕಾಫಿ ಮಾಡಿಟ್ಟು

ನಂಗೇನು ಗೊತ್ತೇ ಇಲ್ಲ ಎಂಬಂತೆ ಹೊದ್ಕೊಂಡು ಮಲ್ಕೊಬೇಕು...!

                                                                                                                             - ಮತ್ತೆ ಸಿಗುವಾ ನಾಳೆಗಳ್ಳಿದ್ದರೆ